前排屋企部 notebook 風扇勁嘈, 最後搞到用唔到, 部機足足用左 6 年, 就算整返我都嫌慢, 我唯有拎學校部 notebook 返屋企用住先。

意外地, 享 mail-box 搵到我 Cert Ed Miss 嘅電郵, 佢返左 New Zealand 幾年了, 於是嘗試聯絡, 幾好彩, 佢無轉 e-mail, 仲竟然, 佢今個星期返香港, 於是約佢同班舊同學一齊食飯, 聚下舊。

8 年無見 Miss 啦, 老土講句, 時間過得真係快, 我地去左食海鮮餐, 大家一齊話當年, 呢個 Miss 可以講改變左我一生, 因為係佢收我讀 PCEd 嘅, 如果無佢, 就無今日嘅我。

所以我非常感激佢...

在席有一位我 Miss 離開 HKU 後嘅繼任人, 竟然做過幾間中學嘅校長 (包括沙田體藝), 佢透露 HKU 摺左我科嘅 PCEd 嘅因由 (我聽聞唔係摺左, 而係同電腦輪住隔年開), 又原來, 當年商科撥左入科技教育, 亦有令我好無奈嘅原因。

人生係好奇怪嘅, 你唔會估到下一步係點, 我只能說句: 見步行步吧...